Carufanella (1914)

Siii quando vivrà,
zingara mia
tte rongo nun capì,
tè lieggimi ccà,
e chesta mano e tu pe me saglì,
dimme ca io t’andivine
guardame dint’a ll’uocchie e nun parlà.
Ma che destino niro d’irunia,
i t’andovino e mò t’ho voglio ddì,
chella ca puorte scritto mmiezz’a mano,
che n’fame e n’fame e te vo fa murì.
Che vvuò anduvinà, nun’e liggiuto niente zingarè,
va lassema stà, ca sciorta mia tu nun può sapè,
vide chistu curtiello, chi m’ha n’gannata nun se pò salvà.

E’ tann’è bella quanno nnanz’a mme,
carufanella morta adda cadè,
morta me ll’aggio astregnere dint’e braccia,
e fredda chella vocca aggia vasà.

Chella ca puorte scritto mmiezz’a mano,
che n’fame e n’fame e te vo fa murì.
Che n’fame e n’fame e te vo fa murì.

Tarantella Luciana (1913)

Ma chest’èvera ‘e mare
comm’addora stasera.
Tutt’ ‘o munno mme pare
cchiù schitto e cchiù allèro,
nun saccio ‘o ppecché.
Viene ‘a ccà, Luciana1.
Tu, che ancora ‘a spadélla
puorte dint’ ‘e capille,
si’ ‘a femmena bella
ca i’ voglio vedé.

‘Sta tarantella napulitana,
‘nziem’a te Luciana,
ca si’ guappa2 e si’ bella,
cu li ttammórre, cu ‘e ccastagnèlle3,
sott’a ll’uocchie d’ ‘e stelle,
stu core, ch’abballa,
vulesse abballà.

Aggio fatto nu pigno,
ma cu gusto e piacere.
Si stasera mme ‘ncigno,
mm’aspetta ll’onore
ch’abballe cu’mmé.
Mm’appresento cu ‘o tubbo,
cu ‘o cazone a campana,
cu ‘o rilorgio e ‘a catena,
ma tu, Luciana,
mm’hê ‘a fà cumparé.
urare.

‘Sta tarantella napulitana…

Nun sentite ‘a campana?
Méh, menàtela ‘a rezza.
E, p’ ‘a gente luntana,
ca vòca e sellózza,
vulite prijà?
Ma chi è chisto ch’abballa
“Tarantì, Tarantella”?
Ride, Napule bella,
ca è Pulecenella
ca torna e sta ccà.

‘Sta tarantella napulitana…

Carmela Mia (1903)

Addio Carmè’, dimane aggi’ ‘a partí.
I’ só’ surdato, ‘a Patria aggi’ ‘a serví.
‘A luntananza nun mme fa scurdá
‘e st’uocchie belle fatte pe’ ‘ncantá.
Tutte sti mise senza mme vedé,
sarraje sincera comm’io só’ cu te?

Carmè’, Carmè’.
T’aggi’ ‘a lassá
nun c’è che fá.
Carmè’, Carmè’.

Luntano ‘a te
chi nce pò stá?
‘A fantasia te turmentarrá,
a tanta cose te farrá penzá.
Tu si’ gelosa, assaje gelosa ‘e me,
comm’io geluso sóngo ‘e te, Carmè’.
‘Ammore vero nun se pò tradí.
Sempe ‘a reggina ‘e chistu core si’.

Carmè’, Carmè’.

E quanno, sulo, ‘int’ ‘o quartiere stó’
e ‘a passione turmentá mme vò’,
suspiro e vaso ‘o cierro tujo, Carmè’,
comme si chilli vase ‘e ddesse a te.
Da ‘o dito, ‘aniello mio, nun t’ ‘o levá,
scriveme sempe, ‘e me nun te scurdá.

Carmè’, Carmè’.

Oje mà’, dammíllo (1901)

Oje mà’, siente ‘a fanfarra?
Mo passano ‘e surdate.
E Tóre ‘nziem’a ll’ate,
mo passa, ‘o vuó’ vedé?

Cu ‘o zaino ‘ncopp’ ‘e spalle,
mme fa cumpassione.
‘O povero guaglione
tène surtanto a me.

Oje mà’, dammíllo,
ch’ ‘o voglio bene.
Appena vène,
mme spusarrà.

Totóre mio,
mme ll’ha giurato,
dopp’ ‘o surdato,
jamm’a spusà.

Quanno murette ‘a mamma
te ll’arraccummannaje,
a te te ll’affidaje.
Te ll’hê scurdato, oje mà’?

Dicette: “Quanno è gruosso,
si nun ve dispiace,
spósano ‘nsanta pace”.
Mo nun mm’ ‘o vuó’ dà cchiù?

Oje má’, dammillo,

Mo lle danno ‘o cungedo,
ajere mme ll’ha scritto.
Oje mà’, sa’ che mm’ha ditto?
Ca penza sempe a me.

Comme mme sbatte ‘o core,
penzanno ca mo vène.
Uh, quanto ‘o voglio bene,
nun t’ ‘o ppuó’ ‘mmagginà.

Oje mà’, dammillo..

‘O Surdato ‘nnammurato (1915)

Staje luntana da stu core,
a te volo cu ‘o penziero
niente voglio e niente spero
ca tenerte sempe a ffianco a me!
Si sicura ‘e chist’ammore
comm’i só sicuro ‘e te…

Oje vita, oje vita mia…
Oje cor ‘e chistu core…
Si stata ‘o primmo ammore…
E ‘o primmo e ll’ùrdemo sarraje pe’ me!

Quanta notte nun te veco,
nun te sento ‘int’a sti bbracce,
nun te vaso chesta faccia,
nun t’astregno forte ‘mbraccio a me?!
Ma, scetánnome ‘a sti suonne,
mme faje chiagnere pe’ te…

Oje vita, oje vita mia…
oje cor ‘e chistu core…
si stata ‘o primmo ammore…
e ‘o primmo e ll’ùrdemo sarraje pe’ me!

Scrive sempe e sta’ cuntenta:
io nun penzo che a te sola…
Nu penziero mme cunzola,
ca tu pienze sulamente a me…
‘A cchiù bella ‘e tutte bbelle,
nun è maje cchiù bella ‘e te!

Oje vita, oje vita mia…
oje cor ‘e chistu core…
si stata ‘o primmo ammore…
e ‘o primmo e ll’ùrdemo sarraje pe’ me!